| 基本描述 | 正月小鸡壳里叫，拜岁人客送过桥；人家老公像老公，其拉老公秧毛虫。二月雁鹅排一行，针头生活1 交关忙；还没走到河畔头，阿婆诉2 其介会走。三月燕子进堂前，衔泥做窠孵小燕；小小媳妇管屋里，阿婆讲其勿争气。四月鹁鸪肚皮饿，阿婆讴其烧早火；烧火煮饭应该做，还要诉其介懒惰。五月老鹰半天飞，廿岁后生来调戏；调戏小娘啥稀奇，阿婆诉其十三点。六月青鸟叫得早，大田小畈割早稻；月亮上山捞薄刀3 ，阿婆诉其还欠早。七月百鸟头开花，阿婆讲其赶人家？ ；实在一日做到夜，夜里还要磨豆浆。八月麻雀叫喳喳，男女老小进戏场；三日三夜大戏文，勿拨其来看一场。九月灶鸡盘蒸笼，重阳佳节闹哄哄；麦糕馒头整大蓬，吃只馒头诉其鲠喉咙。十月拉丝？ 洞里钻，黄豆番薯土笥收；番薯刨到鸡头啼，阿婆诉其爬勿起。十一月水鸭田中游，寒冬腊月沙石飞；洗洗生活做勿及，阿婆看看勿中意。十二月百鸟统进窠，收缸拢瓶年来过，三十年夜戤拢？ 坐，其里小间烧灶火。 |